Бир неча кун олдин Болливуд қироли Шохрух Хон Дубайда "Миллионерлар парти"сида меҳмон бўлди. Ушбу шоунинг ташкиллаштирилишига асосий сабаб яна бир янги меҳмонхонанинг очилиш маросими эди. Болливуддан биргина меҳмон (рафиқаси билан!)...Холливуддан эса ўнлаб мусиқа ва кино юлдузлари ташриф буюрди. Уларнинг орасида афсонавий Роберт Де ниро ҳам бор эди. Кеча сўнггида ОАВлари Шохрух Хондан бир-икки саволга жавоб олишга ҳам муваффақ бўлишди:

-Анча юлдузлар ташриф буюрди. Таниқлилар тахминан юзтача! Роберт Де Ниро билан гаплаша олмадим. Чунки, имкон ҳам, вақт ҳам бўлмади. Кайли Миноуг билан дилдан суҳбатлашдим. Ижодий фикрлар алмашдик.- дейди, Шохрух Хон.

***

Бритни Спирсга Мадонна оилавий йўл йўриқлар кўрсата бошлади. Унга бошқа ҳеч қачон турмушга чиқмаслиги ҳақида маслаҳат берди. Ўз ҳаётидан мисол келтириб, шунча йил яшаган турмуш ўртоғи Гай Риччидан ҳам бирон наф кўрмагани ҳақида уқтирди. Бритни эса Мадорннага тақлид қилишни бошлаб юборди. У Германияда бўлиб ўтган бир тақдимот маросимига қора шляпа ва қора кийимда ташриф буюрди Одатда бу услуб жаҳон поп маликасига тегишли эди. Мадонна эса Бритнига "хиёнат" қилган ҳолда қизлар билан ўпишишни давом эттирмоқда. Франциядаги яккахон концерти давомида саҳнада бир мухлиса билан шампан виносини ичиб ўпишди. Европа учун бу оддий ҳол бўлиб қолганига эса анча бўлган.

***

Майкл Жексон Баҳрайн қироли билан учрашди. Ахир, унинг ўғли жаҳон поп қиролини 7 млн доллар пулни ўзлаштирганликда айблаб, судга берган. Айни  пайтда суд жараёнлари Лондонда давом этмоқда. Майкл эса араб қиролни ширин суҳбат билан авраб, суддан даъвосини қайтариб олишларини илтимос қилиш мақсадида юзлашганди. Буёғини вақт кўрсатади.