“Ishonardim” qo`shig`i bilan estrada olamiga kirib kelgan Shaxnoz bugun “Jonim mani”si bilan o`z muxlisalri auditoriyasiga ega bo`ldi. Shu kunlarda yangi albomini taqdim etgan xonandaning fikrlari bilan tanishing...

San`at oson yo`l emas ekan. Avval boshda turli xil orzular, nurafshon hayot, intilishlar... So`ng, mashaqqat. Qismat o`yinlaridan o`tish... Keyinchalik mardu maydonlik... Xullas, obdon sinalganingdan so`ng, san`at olamining eshiklaridan o`tish va shukrona... 

Ichkariga qo`yilgan ilk qadam esa avvalgidan-da shiddat bilan ishlash, ter to`kish va mashaqqatni yengishni talab qiladi.

Ba`zan ortga qaytmoqchi bo`lasan. Ammo orzular sari intilish kerakligi seni yana va yana oldinga boshlaydi. 

Shunda ko`zingni chirt yumasanu oldinga intilasan. Bosib borayotganing  sening muvaffaqiyating, sening omading bo`lar ekan. Manzilda esa bayroq hilpirayapti. Bu sening bayrog`ing, orzu bayrog`i. Faqat unga yetish kerak xolos...