Rafet El Roman 1968-yil 25-avgust kuni Edirne shahrida tavallud topdi. U 7 yoshigacha buvisi bilan birga yashadi. Chunki uning ota-onasi 1970-yilda Germaniyaga ko`chib ketgan edi. Birinchi sinfni tugallagan Rafet ota-onasining yoniga, Germaniyaga jo`nab ketdi. O`sha yerda u ta`limni tugalladi. Ilk qo`shig`ini Rafet 16 yoshida kuyladi. O`shandayoq u hayoti musiqa bilan bog`liq ekanligini his etgan edi. 1988-yilan boshlab Rafet turli sahnalarda chiqish qila boshladi. 1992-yilda Saarlaendischer Rundfunk radiosida yilning eng yaxshi qo`shiqchisi deb ta`n olindi. 1994-yilda esa Frankfurt madaniyat tanlovi g`olibiga aylandi. 1995-yilda Rafet Turkiyaga qaytdi. Shu yerda u ilm yakkaxon albomi - "Yoshlik ko`zyoshlari"ni yozdi. Disk umumiy hisobda 1 mln. nusxada sotildi. 1997-yilda ikkinchi albom dunyo yuzini ko`rdi. Uni qo`shiqchi "En guzel gunler senin olsun" deb nomladi. 1998-yilga kelib Rafet Yevropa uchun o`zining ilk albomini chiqardi. Keyingi 6 albomi ham Turkiyada shuxrat qozondi. Ayniqsa 2005-yilda chiqqan "Qalbim sultoni" albomi yuksak natijalar qayd qildi. Qo`shiqchilikdan tashqari Rafet o`zini aktyorlikda ham sinab ko`rdi. U hozirda o`z romani asosida film suratga olishni mo`ljallab yuribdi. Shuningdek u "RER" nomli ovoz yozish studiyasiga ega. Aynan shu yerda ko`plab turk honandalari yetishib chiqqan.